Bie inflacioni në Kinë

Inflacioni ka rënë ndjeshëm në Kinë, duke u dhënë ligjvënësve më shumë hapësirë për të nxitur rritjen ekonomike, në një kohë kur në rang global ajo sa vjen e tkurret.

Rritja e çmimeve për konsum ra në qershor për 2.2 për qind krahasuar me një vit më parë, ka bërë të ditur Zyra kineze e statistikave.

Shifra në fjalë është më e ulët se 3 për qind që ishte në maj dhe është gjithashtu nën objektivin e qeverisë që të ishte 4 për qind.

Kina ka ndërmarrë një sërë hapash për të nxitur rritjen, në një kohë kur kriza ekonomike globale rëndon mbi kërkesën për mallrat e saj. Analistët thonë se ulja e çmimit të ushqimeve është efekti kryesor i rënies së inflacionit.

Banka Qendrore e Kinës ka shkurtuar normat e interesit dy herë që nga fillimi i qershorit, me periudha që i kanë çuar ato në 6 për qind.

Gjithashtu, ajo ka shkurtuar shumën e parave që bankat duhet të mbajnë rezervë, në përpjekje për të nxitur huadhëniet.

Analistët thonë se presin lëvizje të tjera të ngjashme nga ana e qeverisë, për të stimuluar rritjen e ekonomike të superfuqisë aziatike.

“Një rënie e mëtejshme e çmimeve për konsum hap rrugën për politika të tjera lehtësuese, të cilat ne presim t’i ndërmarrim”, ka thënë Zhang Zhiwei nga Hong Kongu.