Bie kreditimi në fushën e ndërtimit

Sipas Bankës së Shqipërisë, rënia e kërkesës në këtë sektor  dhe si rrjedhojë shitja gjithmonë e më pak e apartamenteve të reja, janë faktorët kryesor për uljen e kreditimit.

Rritja vjetore e kredisë për këtë sektor ka vijuar prirjen rënëse, duke shënuar një tkurrje me rreth 7.7% në muajin dhjetor 2011. Kreditimi i sektorit të ndërtimit ka shfaqur një sjellje prociklike në një hark kohor 3-vjeçar, ku ulja e kredisë për këtë sektor krahasuar me sektorët e tjerë të ekonomisë ka qenë më e shpejtë. Aktualisht llogariten mbi 4 mijë apartamente të reja të pashitura në rang vendi. 

Shpërndarja e kredisë sipas qëllimit të përdorimit për sektorin e biznesit në një periudhë prej 5 vitesh është përqendruar në formën "overdraft" dhe "investime në pasuri të paluajtshme", ndërkohë që evidentohet rënie e peshës së kredisë për "investime në blerje pajisjesh".

Sektori bankar ka mbështetur më shumë financimin e sektorit të prodhimit të energjisë elektrike, bujqësisë dhe industrisë, ku kredia akorduar këtyre tre sektorëve ka shënuar rritje vjetore përkatësisht me 57.3%, 40.3% dhe 19.5%. /Start/

                                                                                             2012-05-03 16:12