Bie nga kati i tretë i pallatit, humbet jetën 3-vjeçari

Një ngjarje e rëndë ka ndodhur mbrëmjen e sotme në kryeqytet.

Një fëmijë 3-vjeçar me inicialet R.F. ka humbur jetën pasi dyshohet të ketë rënë nga kati i tretë i një pallati në zonën e Kombinatit në Tiranë.

Burime nga policai bëjnë me dije se 3-vjeçari dyshohet të ketë rënë aksidentalisht nga pallati.

Menjëherë në vendin e ngjarjes kanë shkuar forcat e policisë së kryeqytetit, të cilat kanë nisur hetimet për zbardhjen e motiveve të këtij aksidenti tragjik që i morri jetën vogëlushit 3-vjeçar.