Bie niveli i papunësisë në SHBA

Ritmet e papunësisë ranë 0.3 për qind në janar, duke e ulur në 9.7 për qind papunësinë, niveli më i ulët në pesë muajt e fundit.
Megjithë rënien e lehtë në përqindjen zyrtare, njoftimi i sotëm nga Departamenti i Punës tha se ekonomia kishte një humbje prej 20 mijë vendesh pune në janar.
Shifrat e reja e çojnë numrin e përgjithshëm të vendeve të humbura të punës gjatë dy vjetëve të fundit në 8.4 milionë.
Kryetarja e Këshillit Ekonomik të Presidentit, Kristina Romero thotë se papunësia vazhdon të jetë një problem serioz. Zonja Romero tha gjithashtu se të dhënat e reja paraqesin shenja inkurajuese se tregu i punës po rimëkëmbet gradualisht.
Megjithëse rritja ekonomike ka rifilluar, papunësia pritet të mbetet rreth 10 për qind për pjesën më të madhe të këtij viti.