Bie raporti, 3 në 10 fëmijë probleme me sytë, mjekët: Kontrollet e hershme zvogëluan rrisqet

Fëmijët 6 vjeçarë që presin të rregjistrohen në klasë të parë, po kryejnë këto ditë vizitat tek mjeku okulist. Prej disa vitesh ky është një kontroll i detyrueshëm. 

Mjekët konstatojnë rënie të ndjeshme të problemeve në shikim vitet e fundit.

” Trendi është më mirë se më parë” thotë një mjeke okuliste për fëmijë. “Në 10 fëmijë, vetëm 3 konstatohen me probleme, nga 7 fëmijë më parë”.

Shkak për këtë zbutje të problemeve, thonë mjekët, janë bërë kontrollet e hershme të fëmijëve. Sipas tyre prindërit i çojnë fëmijët për vizita përpara se t’u thonë mjekët. “Prindërit janë bërë shumë të ndërgjegjshëm” thonë ata.

Mjekët sjell në vëmëndje parashikimin e zymtë të OBSH sipas të cilit miopia do të jetë  epidemia e viteve 2050. 

Ata bëjnë thirrje për kontrolle të hershme të shikimit tek fëmijët me qëllim zvogëlimin e rrisqeve të shikimit.

Gazetare Sonila Mlloja

/ rtsh /