Bien prenotimet e banesave, pronaret ulin cmimet 30 %

VLORE- Bien cmimet e shtepive me qira ne Vlore per pushuesit. Pronaret e banesave qe jepen pergjate muajve te veres shprehen se kete vit cmimet do te jene deri ne 30 per qind me pak. Shkak jane bere vonesat dhe renia e numrit te prenotimeve. Ky veprim shihet si i favorshem per vete pushuesit dhe ne kete ulje besohet se ka ndikuar edhe zhvillimi i Boterorit te Afrikes se Jugut, pasi pjesa me e madhe preferojne ta shohin ne shtepi dhe orari i plazhit ndeshet me ate te zhvillimit te dy prej ndeshjeve te dites. Sipas pronareve te banesave, ulja e cmimeve ditet e fundit sikur ka afruar nje pjese te pushuesve qe jane nga rrethe te ndryshme te vendit, por edhe nga Maqedonia dhe Kosova. Celja e sezonit turistik ne Vlore eshte bere prej rreth nje muaji. Por pavaresisht se numri i pushuesve ka ardhur duke u rritur, pronaret e banesave iu frikesohen ritmeve me te cilat do te ece frekuentimi, vecanerisht nga shqiptaret nga Maqedonia dhe Kosova te cilet nje vit me pare kishin pushtuar plazhet. Pjesa me e madhe e pushuesve jane familjare qe vizitojne plazhin ne fundjave apo per nje dite.