Biletat, tani mund të blihen online për ndeshjet e kuqezinjve

Pamje e skemës së stadiumit për të blerë bileta online

Tiranë, 17 Mars 2011 – Tifozët shqiptarë do t’i kenë tashmë të gjitha mundësitë për të blerë në internet, pra online, biletat për ndeshjet e ekipit përfaqësues të futbollit.

Kjo është bërë e mundur për shkak të bashkëpunimit mes Federatës Shqiptare të Futbollit (FSHF) dhe kompanisë së specializuar “Tissolution”, bashkëpunim që është sendërtuar në faqen e internetit, “blinibileta.com”.

Për tifozët, do të jetë ndeshja ndaj Bjellorusisë në Tiranë, e para ku do të nisin të praktikohen me mënyrën e re të sigurimit të biletave.

Sekretari i Përgjithshëm i FSHF-së thotë se kishte ardhur koha për ndryshim, ndërsa përfaqësuesi i kompanisë që ofron shërbimin, Bashkim Shala, flet teknikisht mbi risinë.

Rruga që të çon deri tek bileta (apo biletat e dëshiruara) nuk është e vështirë, ndërsa tavani i lejuar është deri në 10 bileta për të shmangur spekulimet në tregun e zi.

Pasi hyn në faqe, duhet të regjistrohesh për të qenë përdorues me emër dhe fjalëkalim, duke plotësuar një formular të caktuar. Më pas zgjedh biletën dhe pagesa bëhet me kartë krediti dhe debiti dhe bileta do të merret në një nga 4 pikat që parashikohen të jenë në Tiranë.

Paratë transferohen nga llogaria vetëm në momentin kur bëhet tërheqja fizike e biletës nga blerësi.

Përveç Tiranës, kompania ka parashikuar të hapë edhe një pikë shitjeje në Prishtinë për tifozët kuqezinj nga Kosova.

Kështu, pjesëmarrja ne stadium, per te perkrahur skuadrën tuaj te zemres, tani nuk eshte me problem pasi kjo faqe ju ben te mundur blerjen e biletave nga shtëpia juaj, vetëm me nje click.

Ndërkaq, FSHF ka bërë me dije edhe çmimet e biletave për ndeshjen eleminatore të 26 marsit në Euro 2012, ndaj Bjellorusisë. Tribunat A dhe B do të kushtojnë 5 000 lekë, biletat në tribunën D2 janë vlerësuar në 1 000, ato në tribunat D1 e D3 zbresin në 700 lekë dhe për tribunat C dhe E, që janë prapa portave, çmimi do të jetë 200 lekë.

e.t/NOA

Lajme të ngjashmeBerisha-Ivanov: Do përfundojmë në 18 muaj rrugën Tiranë-Elbasan Tiranë, një 17-vjeçare shfrytëzohet nga babai si prostitutë te Pallati i KulturësLSI çel nesër fushatën në kryeqytet, prezantohen emrat dhe synimet e 8 majitFDBK: Shqiptarët s’do ta durojnë dhe as tolerojnë ricopëtimin e KosovësTiranë, dhunë mes fqinjëve për jashtëqitjen e qenit Lidhje: Bashkim Shala, Bjellorusi, blinibileta.com, Federata Shqiptare Futbollit, FSHF, futboll, Tifozët shqiptarë biletat online, Tiranë, Tissolution