Bilqizë, minatorët: Të hënën rinisim grevën

BULQIZË- Minatorët e Bulqizës kanë ndërprerë për dy ditë protestat e tyre, ndryshe nga ditët e kaluara. Kjo sipas përfaqësuesve të minatorëve bëhet pasi të hënën do të rinisë greva urisë.

Vendimi është marrë nga komisioni i grevës, me arsyetimin se firma ACR nuk ka plotësuar kërkesat e parashtruara nga minatorët. Deri tani nuk është bërë i ditur vendi ku do të zhvillohet greva dhe as numri i personave, ndërkohë që pusi A1 ku u zhvillua greva e parë mbahet nën vëzhgimin e forcave të rendit.

Mësohet se në të njëjtën kohë që një përfaqësi minatorësh do të hyjnë në grevë, familjarët dhe fëmijët e tyre do të protestojnë. por nga ana tjetër minatorët u kanë bërë thirrje dhe forcave policore ti bashkohen protestës së tyre.
(e.m/BalkanWeb)