Bime: Po mendoj te jap doreheqjen
Gjirokaster - Kryetari i bashkise se qytetit te Gjirokastres Flamur Bime, deklaroi para mbreme se eshte duke menduar te marre vendimin per doreheqje, nga detyra qe mori si i zgjedhur nga populli. Ne prononcimin e tij mbreme, Bime ka komentuar kerkesat e politikes ne Tirane per largimin e tij nga posti i kryebashkiakut, qe mban, i marre gjate zgjedhjeve te shkurtit te vitit 2007 dhe qe per te, perben mandatin e dyte si qytetar i pare i qytetit te gurte. "Une jam duke menduar shume seriozisht marrjen e nje vendimi te mundshem per te dhene doreheqjen, por dua t'ju siguroj se doreheqja ime do te ishte vetem morale pasi une nuk kam pergjegjesi te tjera", - deklaroi z.Bime. Ai shtoi se "mua me duket e turpshme kerkesa e bere per largimin tim nga detyra, per vete faktin se une sikurse dihet, ne pozicionin qe kam si kryetar bashkie, nuk kam imunitet", - theksoi z.Bime. "Duke mos pasur imunitet, une nuk i pengoj organet e drejtesise, qe te hetojne mbi ngjarjen dhe mbi akuzat qe me atribuohen", - u shpreh Bime. Me tej, kryebashkiaku i qytetit qe gjendet ne qender te vemendjes kombetare per shkak te shembjes se pallatit, ka folur edhe per ngjarjen e ndodhur dje ne mesdite. "Une jam vetem nje nder 15 anetaret e KKRT-se se Gjirokastres dhe ne pozicionin e kryetarit te saj, dihet qe ky rol eshte si i nje spikeri. Ne rastin konkret, une kam kerkuar qe te respektohet ana konstruktive e objektit, per ndertim. Kur u miratua leja e ndertimit per kete godine, une e bllokova zbardhjen e kesaj lejeje, duke kerkuar qe me pare te dale nje leje gjeologjike per objektin dhe vendndodhjen e saj. Vetem pasi kjo leje gjeologjike mu paraqit nga specialisti perkates, une lejova zbardhjen e lejes se ndertimit", ka detajuar z.Bime. Duke folur per tragjedine me tre te vdekur te konfirmuar, z.Bime tha edhe se "pothuajse gjate gjithe nates kam qene ne vendngjarje, duke kontribuuar per perballimin e situates dhe marrjen e masave perkatese". Nderkohe kryebashkiaku Bime eshte ndalur edhe ne hetimet e ngjarjes. Ai konfirmoi se prokuroria i ka nisur hetimet dhe shtoi: "Punonjes te prokurorise mberriten ne zyren time dhe une i dorezova atyre dosjen per rastin ne fjale". Ne kete pike, Bime tha se "une jam dhe mbetem ne dispozicion te Prokurorise". Ai shtoi se pret qe te merret ne pyetje lidhur me ngjarjen dhe dyshimet e hedhura. B.Kore