Bisedime mes Koreve, asnjë rezultat i dukshëm

Bisedimet ushtarake mes Koresë së Veriut dhe asaj të Jugut përfunduan vetëm një orë e gjysmë pas fillimit. Pa ndonjë rezultat të dukshëm, përfundimi i takimit hedh hije dyshimi mbi ndonjë përparim të mundshëm mes dy vendeve. 

Ministri koreanojugor i mbrojtjes Uon Ta Jae konfirmoi se bisedimet u zhvilluan në brendësi të zonës së demilitarizuar  që ndan dy Koretë.

Bisedimet ishin të rëndësishme sepse ulën në tryezë presidentin konservator Li Miung të Koresë së Jugut.

Para 8 muajsh kur erdhi në pushtet ai zemëroi Penianin me deklaratat se do të mbante qëndrim të ashpër ndaj fqinjit komunist.
Për këtë udhëheqja e Koresë së Veriut i vuri atij nofkën "psikopat pro amerikan". Ndaj edhe kërkesa e tij për bisedime këtë javë i ka habitur shumë vëzhguesit, megjithëse nuk është e qartë ende se çfarë u diskutua.

Takimi përkon me vizitën në Penian të Ndihmës/sekretarit amerikan të Shtetit, Kristofer Hill, i cili ndodhet atje për të gjetur një rrugëdalje nga bllokimi i negociatave për programin bërthamor.