Bisedimet per emrin hyne ne fazen finale
Zyrtare te Shkupit dhe Athines do te fillojne ne Nju Jork, ato qe cilesohen si negociata te fundit per gjetjen e nje zgjidhjeje perfundimtare per emrin e Maqedonise, emer ky i debatueshem per Greqine fqinje. Bisedimet zhvillohen nen kujdestarine e te derguarit te posacem te OKB-se, Metju Nimic. Para ketij takimi kreret me te larte shteteror te Maqedonise, ne nje takim te mbajtur te henen ne Shkup, deshtuan ne arritjen e nje qendrim te perbashket. Kryeministri dhe presidenti i vendit shfaqen qendrime krejt te ndryshme. Dy qendrime dominojne ne mesin e krereve me te late shteteror te Maqedonise, per sa i perket zgjidhjes se ceshtjes se emrit. Kryeministri Nikolla Gruevski dhe aleatet e tij mbeshtesin si nje mundesi zgjidhjeje ate qe cilesohet si formule e dyfishte. Ajo nenkupton qe emri Republika e Maqedonise te perdoret kudo, kurse per Greqine te gjendet nje emer tjeter i pranueshem per te dyja palet. Nderkaq, presidenti i Maqedonise, Branko Cervenkovski dhe partite opozitare thone se mbeshtesin qendrimin qe te gjendet nje emer me reference gjeografike, por e cila nuk do te preke identitetin kombetar te maqedonasve. Presidenti Cervenkovski tha se qendrimi i kreut te qeverise, eshte i tejkaluar pasi eshte shqyrtuar me heret: "Per fat te keq kryeministri, por me pas edhe partneret e tij te koalicionit insistonin per formulen e dyfishte, e cila eshte absolutisht ne kundershtim me pjesemarrjen ne bisedimet e mundshme. Sepse nuk mund te thoni qe pozicioni i Maqedonise eshte formula e dyfishte, kurse nga ana tjeter te tentoni te modifikoni propozimet e mundshme", tha presidenti Cervenkovski. Qendrime te ngjashme shfaqi edhe lideri i Lidhjes Socialdemokrate ne opozite Zoran Zaev. "Me kete sjellje dhe insistimi i nje zgjidhje nga e cila eshte hequr dore, sic eshte formula e dyfishte, e veme shtetin ne pozite qe te izolohet", tha Zaev, partia e te cilit mendon se ceshtja e emrit duhet te zgjidhte qe vendi mos te bllokohet ne rrugen e integrimeve. Qeveria mbeshteti qendrimin e saj te cilin e propozoi ne formen e pese pikeve, ku nder te tjera parashikohet qe propozimi i mundshem i emrit te vihet ne referendum. "Presidenti Cervenkovski dhe dy parti me te vogla opozitare nuk kishin mundesi qe te shqyrtojne propozimet mbi te cilat do te ndertohej qendrimi i perbashket. Megjithate, ne jemi te gatshem per nje takim me te gjithe faktoret politike pas ndonje propozimi te mundshem final," deklaroi Antonio Milloshovskit, minister i Jashtem, i cili pas takimit foli ne emer te qeverise.