"Bisedimet per statusin kane perfunduar"

MITROVICE - Ne takimet e para me perfaqesuesit serbe ne veriun e Mitrovices, kreu i UNMIK-ut, Lamberto Zannier, ka bere te qarte se bisedimet per statusin e Kosoves tashme kane perfunduar. "Bisedimet per statusin kane perfunduar dhe tash po levizim kah rrethana te tjera, kah zgjidhja e problemeve", ka thene dje Zannier, pas vizites se pare qe i beri veriut te Kosoves, qe kur eshte emeruar ne krye te UNMIK-ut. Ai ka sqaruar rolin qe do te kete si shef i UNMIK-ut dhe ndihmen qe do t'u jape bisedimeve mes Prishtines dhe Beogradit. Ne kete kuader, Zannier ka pohuar se nga Qeveria e re e Beogradit pret nje qasje konstruktive karshi ceshtjes se Kosoves. "Te ulemi dhe te diskutojme ceshtjet dhe shpresoj se do te gjejme forme te mire komunikimi. Jam i sigurt se ekzistojne te gjitha parakushtet per kete. Nuk e shoh veten si partner te Qeverise, por e shoh veten si ndihmues ne dialogun mes Qeverise serbe dhe asaj te Kosoves", ka vleresuar Zannier ne fund te vizites, gjate se ciles ka takuar perfaqesues te te gjitha subjekteve politike qe veprojne ne veriun e banuar me shumice serbe. Zannier serish ka shprehur gatishmerine qe te vizitoje Beogradin, vizite kjo e cila do t'i hapte rruge fillimit te dialogut per ceshtje teknike mes Prishtines e Beogradit, te cilin e parasheh plani per rikonfigurim i Ban Ki-Moonit. Ne anen tjeter, serbet i kane bere me dije kreut te ri te UNMIK-ut se nuk jane te gatshem ta pranojne shtetin e ri te Kosoves. Koordinatorja e partise G17 plus per Kosoven, Stojanka Petkovic, ka deklaruar se, per serbet bisedimet per statusin nuk kane perfunduar. "Ne, nga ana jone, kemi theksuar se per ne statusi i Kosoves ende nuk eshte zgjidhur dhe presim bisedime te metejme. Ne nuk pajtohemi dhe nuk e pranojme pavaresine e Kosoves, por ne perputhje me Rezoluten 1244 do gjejme nje zgjidhje afatgjate kompromisi", perseriti refrenin e vjeter serb, Petkovic.

Vizites se djeshme te Zannierit ne veri i ka paraprire takimi i djeshem i tij me kryetarin e Komunes se Mitrovices, Bajram Rexhepi. Ai shprehu shqetesimin se situata e sigurise ne Mitrovice mund te precipitoje nese nuk zgjidhet problemi i Suhodollit, ku dy here radhazi ka pasur perleshje mes shqiptareve dhe serbeve. Serbet lokale nuk lejojne qe te zbatohet projekti i Komunes se Mitrovices per ndertimin e ujesjellesit per fshatrat shqiptare ne veri. Kanali i ujesjellesit duhet te kaloje neper prona te tyre, gje kjo e cila kontestohet, meqe serbet lokale duan qe Komuna e Mitrovices te marre leje per kete nga strukturat paralele serbe.