Bizhyti, rikthim te Lushnja një opsion

Mesfushori Alban Bizhyti, një nga futbollistët e spikatur lushnjarë, por që në dy sezonet e fundit ka luajtur me Shkumbinin nuk e përjashtoi mundësinë për t'u rikthyer në klubin mëmë. Lushnja, që eliminoi në play-out Kastriotin, këtë sezon do të luajë në Kategorinë Superiore, dhe pasja në gjirin e saj një futbollist cilësor si Bizhyti, do ta ndihmonte jo pak skuadrën verdhejeshile në luftën për mbijetesë në kategorinë elitare. Lushnja ka hyrë në kontakte edhe me Ndonin.