Bizneset qe punesojne 75 punonjes, reduktim taksash 30% Luljeta Ndoka
Te gjitha bizneset e reja qe punesojne mbi 75 individe, do te perfitojne lehtesi fiskale. Duke pasur si pikesynim kryesor nxitjen e biznesit, kryetari i Bashkise se Tiranes, Lulzim Basha, ka thene gjate takimit me banoret e njesise bashkiake nr. 2 se do te mbeshtese te gjitha bizneset e reja qe e krijojne kete mundesi punesimi. Kesisoj, pas perjashtimit totalisht nga barra fiskale e bizneseve me 50 punetore, vjen lajmi per reduktimin e kesaj barre per bizneset e tjera me mbi 75 punonjes. "Ne mbledhjen e ardhshme te Keshillit Bashkiak, pervec buxhetit do i propozoj Keshillit Bashkiak edhe eliminimin e te gjithe taksave dhe tarifave vendore, per te gjithe bizneset e reja qe punesojne 50 apo me shume qytetare te Tiranes, nga lista e te papuneve ne zyren e punes ne Tirane, uljen me 30 per qind te takses se ndikimit ne infrastrukture per te gjithe sipermarrjet qe punesojne mbi 75 qytetare te Tiranes dhe qe i punesojne ata rishtazi, sic mund te evidentohet nga lista e te papuneve ne zyren e punes ne Bashkine e Tiranes", tha kryebashkiaku Basha. Deklaratat, Basha i beri gjate konsultimeve me banoret e minibashkise nr. 2. Kryetari i Bashkise se Tiranes i njohu banoret me projektet qe mbeshtet ky projekt-buxhet ne permiresimin e infrastruktures rrugore, permiresimin e cilesise se jetes dhe prioritetin kryesor, punesimin. "Ne projektbuxhet jane parashikuar 100 ha rikualifikime urbane, ndertimi i rreth 65 mije metrave katrore rruge, prej te cilave 33 mije metra katrore do te jene rruge teresisht te reja. Po ashtu, parashikohet rikonstruksioni i rreth 153 mije metrave katrore rruge ekzistuese dhe 79 mije metrash katrore trotuare", tha Basha. Sipas tij, vetem ne njesine bashkiake numer 2 parashikohet ndertimi dhe rikonstruksioni i 5 arterieve kryesore. "Ne njesine bashkiake nr.2, ne kemi ndjekur nje metodologji, e cila na ka sjelle sebashku me perfaqesuesit e kesaj njesie bashkiake, ne propozimet per ndertim dhe rikonstruksion te pese arterieve kryesore te kesaj njesie bashkiake. Behet fjale per rrugen 'Petro Nini Luarasi', rrugen 'Arben Broci', rrugen 'Bajram Allaraj', si dhe rikonstruksioni i rruges '28 Nentori' dhe projekti i rikualifikimit urban per sheshin te Pazari i Ri dhe sheshin 'Avni Rustemi'", tha Basha. Banoret e njesise bashkiake numer 2 i kane kerkuar gjate konsultimit, kryetarit te bashkise te parashikoje ne investimet e ketij viti, edhe rrugen "Gramoz Pashko". Basha beri te ditur se buxheti i akorduar per kete njesi do te rishikohet, me qellim konsiderimin e kesaj kerkese te banoreve.