Biznesi i shqetesuar per Gjykaten Administrative, kerkesa per Kuvendin

Komuniteti i biznesit ne vend kerkoi votimin e projektligjit "Per Gjykaten Administrative" ne seancen plenare te dates 11 maj. Nepermjet nje deklarate te perbashket per shtyp, organizatat perfaqesuese te biznesit ne vend shprehen te enjten shqetesimin e tyre, per vonesat qe po shkaktohen ne votimin perfundimtar te ligjit per krijimin e Gjykates Administrative. Ne deklarate thuhet se organizatat perfaqesuese te biznesit jane perfshire keto dite ne nje proces intensiv bisedimesh me perfaqesues te opozites dhe mazhorances ne mbeshtetje te miratimit te ketij ligji. "Kur kane mbetur vetem pak dite perpara mbylljes perfundimtare te legjislatures ne fuqi, ne i drejtojme nje thirrje te gjitha grupeve parlamentare qe ta miratojne sa me pare projektligjin per Gjykaten Administrative", tha perfaqesuesi i Dhomes Amerikane te Tregtise, Genc Boga. "Ngritja e Gjykates Administrative do te mundesoje shqyrtimin ne kohe dhe me efektivitet te ceshtjeve administrative, duke lene pas, afatet e tejzgjatura dhe mungesen e specializimit ne trajtimin e tyre, probleme, me te cilat bizneset ndeshen shpesh", vijoi ai. "Thirrja jone per Kuvendin e Shqiperise eshte qe, ne frymen e konsensusit, te miratojne p/ligjin "Per Gjykaten Administrative" ne seancen e fundit plenare te dates 11 maj, si nje ceshtje paresore per biznesin shqiptar", u shpreh Boga ne emer te perfaqesuesve te biznesit.