Bode: Arka e shtetit nuk eshte bosh

Ministri i Financave deklaroi se situata financiare e qeverise eshte e qendrueshme dhe nuk rrezikohet nga kriza globale. Ridvan Bode tha se buxheti i shtetit eshte i mbrojtur nga rezervat financiare qe qeveria ka siguruar permes privatizimeve ne dy vitet e fundit.

“Ne kemi ne dispozicion te buxhetit te vitit 2009 per t’u perdorur rreth 90 milion euro te privatizimit te kompanise ARMO pasi nuk i perdorem dhe i lame per kete vit, kemi te ardhurat nga privatizimi i OSSH-se, rreth 102 milion euro dhe kemi te ardhurat nga privatizimi i aksioneve te AMC-se, rreth 48 milion euro. Te gjitha keto fonde do te perdoren per financimin e investimeve publike dhe per uljen e borxhit”, u shpreh Ministri i Financave, Ridvan Bode.

Kreu i financave tha se renia e te ardhurave nga taksat ka qene minimale dhe se nisma e qeverise per te rishikuar buxhetin e shtetit nuk behet per te ulur investimet publike, por ka nje tjeter qellim.

“Qe te rialokoje te gjitha ato investime qe ende nuk jane perpunuar, fondet e lira dhe te mundesoje rritjen e investimeve publike, pasi rishikimi i buxhetit do te thote rritje te investimeve publike”, shpjegoi kreu i financave rishikimin e buxhetit.

Nje nga pasojat me te dukshme te krizes per qytetaret ka qene zhvleresimi i lekut, sidomos ndaj euros. Por per ministrin e financave, Banka e Shqiperise i ka te gjitha mundesite per te garantuar qendrueshmerine e lekut ne te ardhmen.
 
“Banka e Shqiperise eshte ajo qe merret me stabilitetin monetar te vendit, ajo eshte shume aktive dhe po luan politikat e duhura”, perfundoi fjalen e tij, Ministri i Financave, Ridvan Bode.

Ministria e Financave parashikon se gjate vitit 2009 ekonomia shqiptare do te rritet me 4.8 per qind, kur FMN jep nje shifer 12 here me te ulet, prej 0.4 per qind.