Bojkoti shtyn fillimin e La Ligas

Xhiro e parë e La Ligas e paraparë të zhvillohej këtë fundjavë do të shtyhet për shkak të grevës së futbollistëve.

Bisedimet me LFP-n, që përfaqëson 42 klubet profesionale të futbollit që formojnë La Ligan dhe divizionin e dytë, nuk kanë sjell fryt.

Lajmi nënkupton se Spanja do të ketë prapambetje në kalendar me shumë pak hapësirë në dispozicion për të ricaktuar ndeshjet.

Euro 2012 fillon në qershor dhe e pamundëson Spanjën të kompenson ndeshjet në fund të kalendarit aktual pasi sezoni në La Liga përfundon më 13 maj.

AFE, që kërkon mbrojtje më të madhe për pagat e futbollistëve në klube që kanë hyrë në administrim financiar, javën e kaluar vendosën për të bojkotuar dy xhirot e para në dy ligat kryesore.

AFE ka thënë se rreth 50 milionë euro janë borxh i klubeve për më tepër se 200 futbollistë dhe se fondi emergjent prej 40 milionë eurosh i propozuar nga LFP nuk mjafton.

Disa klube tashmë kanë publikuar komunikata se stërvitjet janë shtyrë deri të martën e javës së ardhshme.

Real Madridi ka caktuar një stërvitje për të premten pasdite ndërsa Barcelona njoftoi se miqësorja kundër Napolit të hënën do të zhvillohet sipas planit.