Brazil Ronaldinho thirret per miqesoren me Ganen
Ronaldinho kthehet në kombëtaren e Brazilit, pasi është grumbulluar nga trajneri Mano Menezes për ndeshjen e ardhshme miqësore kundër Ganës, e cila do të zhvillohet në Londër më 5 gusht. Pas një periudhe më shumë se dy vjecare jashtë “Selecaos”, ish-futbollisti i Barcelonës dhe Milanit po kalon një formë të shkëlqyer te Flamengos, duke e ndihmuar këtë të fundit të qëndrojë në krye të kampionatit brazilian pa asnjë humbje në këtë sezon.
Bashkë me Ronaldinjon, për sfidën kundër Ganës janë grumbulluar dy futbollistët e Milanit, Alexandre Pato dhe Robinho, me të cilët Menezes kërkon të largojë presionin e madh të mediave pas rezultateve të dobta të muajit të fundit. Brazili u eliminua në cerekfinalet e Kupës së Amerikës dhe u mund 3-2 në miqësoren e fundit kundër Gjermanisë, rezultate këto që tronditën fortë pozitat e trajnerit.
Gjithsesi, në konferencën për shtyp për prezantimin e futbollistëve të grumbulluar për miqësoren e ardhshme, Menezes ka konfirmuar qëndrimin e tij në kombëtaren braziliane.
“Unë po ndërtoj skuadrën që do të luajë në botërorin e ardhshëm dhe rezultatet e tanishme nuk më shqetësojnë. Nuk e kam, menduar asnjëherë largimin, ndërsa jam I fokusuar te puna ime dhe të futbollistët më në formë që mund të ndihmojnë skuadrën në objektivat e saj”, ka thënë Menezes, që ka lënë sërisht jashtë skuadrës mesfushorin e Realit të Madridit, Rikardo Kaka.
Përvec Ganës, Brazili ka në program dy miqësore kundër Argjentinës në muajin shtator.
Nertan Prifti
Bashkë me Ronaldinjon, për sfidën kundër Ganës janë grumbulluar dy futbollistët e Milanit, Alexandre Pato dhe Robinho, me të cilët Menezes kërkon të largojë presionin e madh të mediave pas rezultateve të dobta të muajit të fundit. Brazili u eliminua në cerekfinalet e Kupës së Amerikës dhe u mund 3-2 në miqësoren e fundit kundër Gjermanisë, rezultate këto që tronditën fortë pozitat e trajnerit.
Gjithsesi, në konferencën për shtyp për prezantimin e futbollistëve të grumbulluar për miqësoren e ardhshme, Menezes ka konfirmuar qëndrimin e tij në kombëtaren braziliane.
“Unë po ndërtoj skuadrën që do të luajë në botërorin e ardhshëm dhe rezultatet e tanishme nuk më shqetësojnë. Nuk e kam, menduar asnjëherë largimin, ndërsa jam I fokusuar te puna ime dhe të futbollistët më në formë që mund të ndihmojnë skuadrën në objektivat e saj”, ka thënë Menezes, që ka lënë sërisht jashtë skuadrës mesfushorin e Realit të Madridit, Rikardo Kaka.
Përvec Ganës, Brazili ka në program dy miqësore kundër Argjentinës në muajin shtator.
Nertan Prifti