Bombë në Bankën Kombëtare Greke

“Besojmë se shpërthimi është i lidhur me terrorizmin”, deklaroi një përfaqësues anonim i policisë duke shtuar se nuk ka pasur të plagosur.

Gjatë shpërthimit janë thyer disa dritare të faqes ballore të bankës dhe janë dëmtuar katër automjete të parkuara.

Bomba, me fuqi mesatare, ka qenë e vendosur nën bankomat, ndërsa shpërthimit i ka paraprirë një thirrje telefonike.
“Deri tani askush nuk ka marrë përsipër përgjegjësinë për shpërthimin”, tha policia.

Sulmet ndaj bankave, kompanive dhe politikanëve grekë janë shpeshtuar gjatë viteve të fundit, pasi vendi ballkanik ra në recesion./Start/

                                                                                             2012-08-28 16:51