Bombulat e gazit Inspektoriati Qendror Teknik shton kontrollet

Inspektoriati Qëndror Teknik shton kontrollet në çdo treg e dyqan ku tregtohen bombula të gazit të lëngshëm. Duke qenë se është shtuar përdorimi i gazit për ngrohje si dhe duke u nisur nga aksidenti i fundit kryeinspektori i Inspektoriatit Qëndror Teknik, Ardian Alushaj tregon për Abc news se është ngritur një grup pune i posaçëm për të garantuar sigurinë.

Po ashtu, zoti Alushaj thekson se qytetarët duhet të jenë të vëmnedhëm që të dallojnë një bombul gazi të rrezikshme nga një bombul tjetër që i është nënshtkruar kontrollit të këtij inspektoriati. Sipas tij, është e rëndësishme që ato të blihen në njësi tregtare të licencuara.

Bombulat e gazit janë konsideruar një problematike e hershme për sa i përket kushteve ku ajo përdoret si dhe sigurisë që ajo ka.