Bonuci dhe Matri kane rinovuar kontratat e tyre me Juventusin

Është kohë fitoresh, por edhe kohë rinovimesh në shtëpinë e “Zonjës së Vjetër” në Torino. Pasi Paolo De Çelie rinovoi kontratën që e lidh me Juventusin, kështu bënë edhe dy lojtarë të tjerë, Leonardo Bonuçi dhe Alesandro Matri. Dy lojtarët nënshkruan deri në korrik 2017, dhe ky lajm i mirë vjen vetëm pak orë pas fitores së rëndësishme 3-0 ndaj Napolit në Serinë A, që ishte fitorja e tretë radhazi pas atyre me Fiorentinën e Interin, në të cilat Juve ka shënuar 10 dhe nuk ka pësuar asnjë gol.

Në Mynih janë të gëzuar, pasi Arjen Roben është shumë pranë zgjatjes së kontratës që e lidh me Bajernin. Talenti holandez do të nënshkruajë për të luajtur në Bavari deri në 2015, ndërsa këtë sezon ka qenë tepër i rëndësishëm me 14 gola në kampionat e Champions. Roben erdhi tek Bajerni që nga Reali në verën e vitit 2009 me kontratë 4-vjeçare.

Së fundi, duke mbetur në Gjermani, kemi çështjen “Raul Gonzales”. Sulmuesi spanjoll ende nuk ka vendosur se çfarë do të bëjë sezonin e ardhshëm, ndërsa kontrata me Shalken i përfundon këtë verë. Klubi gjerman kërkon që ta mbajë dhe i ka bërë me dijë çfarë i ofron, ndërsa Raul thekson se nuk shqetësohet as nga rroga dhe as nga kohëzgjatja, por kërkon të kuptojë se çdo të ishte më mirë për të ardhmen e tij dhe të familjes.