Bora, MPPT: Në akset e verilindjes të përdoren zinxhirë

Sipas të dhënave më të fundit, nga kjo ministri, në të gjitha akset rrugore të Qarkut të Kukësit, kalimi bëhet i mundur vetëm me zinxhirë. Edhe në akse të tjera, si në Qafë -Krrabë- Elbasan, Librazhd-Qafë Thanë- Korçë, Akset rrugore nga Vau i Dejës-Pukë- Fushë Arrëz-Qafë Mali-Fierzë;Vau i Dejës - Qafë Laç-Koman, etj, është i nevojshëm përdorimi i zinxhirëve.“Drejtoria e Përgjithshme e Rrugëve në bashkëpunim me Drejtoritë Rajonale  të Rrugëve në qarqe janë në gatishmëri  të plotë dhe po punojnë në terren me mjete borëpastruese, fadroma si dhe duke përdorur krip dhe skorie për normalizimin e gjendjes”, thuhet në njoftim.