Bosh: "Spiunet", cenon Kushtetuten
Shtohen reagimet nderkombetare, se projekti i qeverise per hapjen e dosjeve te ish bashkepunetoreve te Sigurimit te Shtetit, eshte antikushtetuese. Pas Ambasadorit Amerikan Xhon Uithers, Shefi i OSBE-se ne vendin tone, Robert Bosh tha dje, se projektligji cenon disa nene kushtetuese. Duke mbeshtetur deklaraten e Uidhers dy dite me pare, Bosh nga qyteti i Durresit, beri thirrje per diskutime te gjera te ketij projekti. Ne kohen kur mazhoranca vendosi se projektligji, do te votohet ne seancen plenare te se henes, prezenca e OSBE-se, sugjeron uljen e diskutime te faktoreve te shumte per kete projekt. "Ndajme te njejtin qendrim me SHBA-ne. Projektligji cenon disa nene kushtetuese dhe duhet te kete diskutime gjitheperfshirese per te", u shpreh Bosh. Madje ai, sugjeroi qe nje projekt i tille kaq i rendesishem, eshte e nevojshme qe te diskutohet edhe nen prezencen e eksperteve dhe konsulenteve evropiane, perfshi ato te OSBE-se dhe te KE-se, gje qe nuk eshte bere. Duke e cilesuar si nje nisme ligjore teper te ndjeshme per komunitetin, ambasadori i OSBE-se, e cilesoi si shume te nevojshem faktin se ai duhet te diskutohet gjeresisht mes te gjithe faktoreve. Pothuajse te njejten gje shprehu dy dite me pare edhe ambasadori amerikan ne vendin tone, Xhon Uidhers. Ai kerkoi qe politika te reflektoje dhe ta diskutoje gjeresisht nje projektligj te tille, per ta miratuar me konsensus. Uidhers sugjeroi se per kete ceshtje, te zhvillohet nje debat i hapur publik, sepse nisma ligjore ngre shqetesime serioze dhe kushtetuese.