Bosnjë, bombë qendrës tregtare, 1 vdes, 3 plagosen

Nje person humbi jetën, dhe tre të tjerë u plagosën si pasojë e shpërthimit të një bombe. Ngjarja ndodhi në një nga qendrat më të mëdha tregtare të vendit, FIS Vitez, 80 kilometra në veriperëndim të Sarajevës. Policia eshte rrethuar ende nga dilemat, per motivet dhe autoret e ngjarjes 

SARAJEVË- Një shtetas u vra dhe tre persona të tjerë u plagosën sot gjatë një shpërthimi në një qendër tregtare, në qendër të Bosnjës. Burimet policore bënë të ditur se shpërthimi ndodhi sot në mesditë rreth orës 12:40 lokale, në një nga qendrat më të mëdha tregtare të vendit, FIS Vitez, 80 kilometra në veriperëndim të Sarajevës. Të parat që raportuan lajmin ishin mediat lokale.
"Një person, roje i qendrës tregtare u vra dhe tre të tjerë u plagosën. Njëri prej të plagosurve ndodhet në gjendje të rëndë", deklaroi në televizionin kombëtar FTV, një zëdhënës i policisë, Sefir Barucija.
"Nuk dihet ende nëse mjeti shpërthyes u hodh brenda qendrës tregtare, apo ishte vendosur atje dhe u aktivizua në distancë", tha zëdhënësi. Barucija saktësoi se policia kishte marrë javën e kaluar një njoftim të rremë për vendosjen e një bombe në këtë qendër tregtare. Ndërsa për shpërthimin e sotshëm nuk u bë asnjë telefonate anonime. Policia po heton për motivet e shpërthimit dhe autorët e mundshëm.
(d.b/ANSA/BalkanWeb)