Botërori 2010, kualifikohen katër skuadra

Pas ndeshjeve të fundjavës, katër skuadra kanë siguruar një vend për në fazën finale të Botërorit 2010. Afrikës së Jugut, që luan si vendi organizator, i janë shtuar edhe Australia, Holanda, Koreja e Jugut dhe Japonia. "Kangurët" dhe japonezët janë matematikisht të sigurt për vendet e para në Grupin 1 eliminator të zonës së Azisë, pasi kanë pikë të barabarta (14) dhe ndodhen 7 pikë larg skuadrës së tretë në klasifikim, Bahreinit. Edhe koreanojugorët siguruan një "biletë" për në evenimentin më të madh të futbollit: ata janë matematikisht të parët në Grupin 2, pas triumfit përballë Emirateve Arabe. Ndërkohë, Holanda bëhet skuadra e parë evropiane që kualifikohet. Me fitoren në Reikjavik kundër Islandës, "tulipanët" vazhdojnë të sigurt marshimin dhe kryesojnë Grupin 9 me 18 pikë pas gjashtë ndeshjesh. Kur mungojnë edhe tri ndeshje, ata kanë 11 pikë diferencë nga Skocia e vendit të dytë.