Branko Cervenkovski hedh poshte paketen per emrin

Presidenti i Maqedonise, Branko Cervenkovski, ka hedhur poshte pasditen e djeshme pakon e fundit te ofruar nga ndermjetesi Metju Nimic per zgjidhjen e ceshtjes se emrit. Kete e ka bere te ditur pas takimit qe ka zhvilluar me ambasadorin Nikolla Dimitrov, i cili e njohu ne menyre te detajuar kreun e shtetit rreth paketes se fundit te ndermjetesit Nimic. "Vleresimet e para jane, se pa ndryshime serioze kjo pako idesh nuk mund te paraqese baze per negociatat e metejshme dhe per kapercimin perfundimtar te problemit", thuhet ne njoftimin e Presidences. Me qellim, ndertimin e nje qendrimi unik, presidenti Cervenkovski ka thirrur per javen e ardhshme, nje takim te krereve shteteror per te biseduar rreth kesaj ceshtje. Qeveria dhe kryeministri Gruevski per momentin ende nuk jane shprehur rreth propozimit te fundit te ndermjetesit Nimic. Jo zyrtarisht behet fjale per propozimin "Republika Veriore e Maqedonise" dhe kontestuese per palen maqedonase mbeten emerimi i gjuhes dhe kombit maqedonas. Sic njoftoi kabineti i presidentit, vleresimet e para jane se pa bere ndryshime serioze ne kete pako te ideve dhe propozimeve per emrin, ajo nuk mund te paraqitet si baze per negociatat te metejshme dhe per zgjidhje definitive te kontestit. Greqia nderkohe shprehu qendrimin e saj per te pritur Maqedonine qe e para ta shpalose qendrimin per propozimin e fundit te ndermjetesuesit te OKB-se per emrin, para se te publikoje nese eshte e dakord me idete e mediatorit Metju Nimic. "Diplomate greke do ta presin qeverine e Maqedonise qe ta vleresoje propozimin, sipas te cilit Maqedonia me siguri do te jete e njohur si Republika Maqedonia e Veriut dhe ta publikoje qendrimin e vet, para se ata t`i lajmerojne pikepamjet e tyre", shkruan gazeta Katimerini. Sipas gazetes, reagimet e para nga Maqedonia nuk ishin shume te kenaqshme per shkak te anashkalimit te ceshtjes se nacionalitetit dhe gjuhes ne propozimin. Ekziston brengosje se qytetaret do te jene te njohur si "Qytetare te Republikes se Maqedonise se Veriut", e jo si maqedonas. Privatisht, diplomatet greke i pershendeten propozimet, por ministrja Dora Bakojanis tani per tani nuk i zbulon ndjenjat e saj per idete e fundi.. Nderkohe Athina zyrtare e ka mirepritur propozimin e ri te Organizates se Kombeve te Bashkuara per te zgjidhur kontestin e emrit mes Greqise dhe Maqedonise. Greqia e ka quajtur propozimin "baze te mire per negociata". Mediat greke kane zbuluar se behet fjale per propozimin "Republika e Maqedonise Veriore". Ndermjetesi i Kombeve te Bashkuara ne bisedimet greko-maqedonase per ceshtjen e emrit te Maqedonise, Metju Nimic, u ka ofruar perfaqesuesve te qeverise se Shkupit dhe Athines ne Nju Jork nje propozim te ri. Jo zyrtarisht mesohet se propozimi i ri i per emrin e Maqedonise eshte "Republika e Maqedonise Veriore". Propozimi thuhet se eshte shume me konkret, por jo perfundimtar. Negociatori propozon qe emri i propozuar prej tij te jete per komunikim te pergjithshem, si me Greqine, ashtu edhe me bashkesine nderkombetare.

Qendrimi i Greqise mbi konfliktin me Maqedonine

Greqia ka deklaruar se do ta shqyrtoje me 'predispozicion konstruktiv' paketen e ideve te negaciatorit Nimic dhe ka shprehur besimin se eshte e mundur te gjendet nje zgjidhje perfundimtare e mosmarreveshjes me Maqedonine per ceshtjen e emrit. Ndonese negociatori nuk ka dhene hollesi mbi permbajtjen e ideve te veta qe u paraqiti dy negociatoreve respektive, shtypi ne Greqi thekson se levizja e fundit e zotit Nimic, do ta vere Athinen para nje dileme serioze.