Brazil, përfundon greva e policëve

Ka përfunduar me arrestimin e liderëve greva e policëve në shtetin e Bahias, në Brazil, ku për shkak të bojkotit të punës nga forcat e rendit u regjistrua një valë kriminaliteti.

Në mëngjes selia e parlamentit lokal, e zaptuar nga manifestuesit për 10 ditë rresht, është boshatisur nga ndërhyrja e forcave speciale të ushtrisë.

Të gjithë 240 agjentët që ndodheshin brenda kanë dalë pa bërë rezistencë, ndërsa dy drejtuesit e protestuesve, oficerët Marco Prisco dhe Antonio Paulo Angeline, kanë përfunduar në pranga.

Një tentativë e mëparshme e ushtrisë për të larguar grevistët nga një ndërtesë ku ishin mbledhur përfundoi me përleshje dhe me forcat speciale që qëlluan plumba gome.

Që nga nisja e grevës më 31 janar, në këtë shtet janë regjistruar një seri krimesh që kanë lënë të paktën 93 persona të vdekur, më shumë se gjysma e kuotës normale.