Brenda 10 ditësh ngrihen akuzat për 21 janarin, Prendi e Llupo akuzohen për vrasjet

Kryeprokurorja Ina Rama ka mbledhur grupin hetimor për 21 janarin dhe ka diskutuar me ta se si do ndahet përgjegjësia për gardistët nën hetim. Siç raporton e përditshmja Shqip, akuza ka vendosur që Ndrea Prendi dhe Agim Llupo të merren të pandehur për akuzën e vrasjes në rrethana cilësuese dhe shpërdorim detyre.

Për gardistët e tjerë që qëlluan ndaj demonstruesve në distancë të ulët nga toka, do të akuzohen për shpërdorim detyre dhe tejkalim të përdorimit të armëve. Prokuroria do u qëndrojë afateve çka do thotë se brenda 10 ditësh do të ngrihen akuzat. Më përpara gjykata ka rrëzuar akuzat e prokurorisë vetëm për shkak se janë shkelur afatet hetimore.