Britani, mot i keq dhe zymti sociale
Shumica e gazetave britanike ne numrat e tyre te djeshme, kishin ne faqet e para fotografi dramatike te ererave te fuqishme dhe motit te keq qe ka goditur dje Britanine dhe sipas parashikimeve te motit kjo mund te vazhdoje. Por ky mot i keq, paralelizohej me gjendjen e trishte te fuqise blerese dhe argumente te tjera sociale.
E perditshmja "Daily Telegraph" shkruante se bregdeti britanik, sidomos ne jug dhe perendim, eshte dermuar nga stuhite me te fuqishme te ketij dimri, por disa meteorologe paralajmerojne se ne disa pjese te Britanise ererat do te jene edhe me te fuqishme. Shume persona jane lenduar nga rrezimi i pemeve apo nga goditje te rrufese, nderkohe qe jane demtuar edhe shume ndertesa ne Uells dhe Angline jugore. Me shume se 10 mije vete kane mbetur pa rryme ne Uellsin jugor dhe ne Angline perendimore qe eshte Cornwal dhe Devon. Ererat e fuqishme priten ne Angline dhe Irlanden veriore.
E perditshmja "Times" kishte ne faqe te pare kryeartikullin me titull "Zymti konsumi, ndersa fuqia blerese po bie". Sipas ketij artikulli, restorantet, dyqanet dhe shitesit e makinave do te ndodhen perballe koherave te veshtira, ndersa britaniket po ndjejne efektet e nje renieje ekonomike. Sipas nje raporti me te fundit, me shume se nje e treta e punetoreve ne Britani kane frike se mund te humbasin punen. Sondazhi ne te cilin kane marre pjese rreth 2500 perdorues te internetit ne Times Online nuk reflektojne vetem ndjenjat personale te tyre, por edhe studimet me te fundit rreth ekonomise britanike.
Sipas gazetes ndersa ministri britanik i Financave, Alister Darling, pritet neser te shpalle buxhetin per kete vit jane rritur shqetesimet per rritjen inflacionit, si rezultat i rritjes se cmimeve te artikujve baze, cfare con ne rritjen e pergjithshme te cmimeve.
E perditshmja "Indipendent" kishte ne faqe te pare nje shqetesim tjeter - te cilin e pasqyron qe ne titull - Pse femijet jane kaq te palumtur? Sipas artikullit mesuesit britanik kane shprehur shqetesime rreth lumturise se femijeve, duke kerkuar nje hetim nga Komisioni i Pavarur Mbreteror rreth faktoreve qe kane cuar ne kete situate. Kerkesa eshte bere nga Shoqata e Mesuesve dhe ligjeruesve dhe thekson gjendjen e brishte te rreth shtate milione nxenesve te shkollave fillore dhe te mesme. Shoqata ne fjale thote se pas nje takimi dhe diskutimi te zhvilluar eshte konstatuar se ne mesin e nxenesve ne Britani ka shume shqetesime dhe se shumica e tyre nuk duken te lumtur. Sipas shoqates, nje nga faktoret qe mund te kete kontribuar ne kete gjendje mund te jene edhe ndarjet e prinderve si dhe mosfunksionimi social. Kjo, sipas tyre, ndikon edhe ne suksesin e tyre te pergjithshem ne shkolle.