Britania: Vendosja e doganave në Veri, e rëndësishme

Ambasadori britanik në Kosovë, Jan Kameron Klif, ka thënë se Britania e Madhe mbështet integritetin territorial dhe sovranitetin e Republikës së Kosovës, ndërsa vendosjen e doganave në dy pikat kufitare 1 dhe 31 e ka quajtur të rëndësishme për parandalimin e kontrabandës në veri.
 

Situata në Mitrovicë gjatë ditës ka qenë e qetë, me përjashtim të një situate kur janë dëgjuar të shtëna armësh në një zonë të saj. Forcat e sigurisë menjëherë kanë shtuar prezencën e tyre mbi urën kryesore mbi lumen Ibër, ndërkohë që vërehen disa automjete KFOR-it, të cilat kanë kaluar në pjesën veriore nga ana e Suhadollit. Të shtënat janë dëgjuar nga ndërtesat në pjesën veriore të Mitrovicës.