Bruceloza, nis vaksinimi i fermereve

Instituti i Shendetit Publik do te nise vaksinimin e fermereve per shkak te shperthimit te brucelozes ne mase gjate ketyre muajve te fundit. Nderkohe qe zona me e prekur per kete vit mbetet ajo e Korces, ku jane numeruar 100 raste. Por, problem tjeter mbetet edhe perhapja e semundjes tek konsumatori i cili shpesh here blen produkte te tregut fshatar te cilat jane te pakontrolluara. Per kete arsye Drejtoria e Higjienes eshte duke kryer nje kontroll ne te gjithe vendin per te eliminuar keto raste. Sipas statistikave qe u referohen te gjithe rasteve te raportuara nga ne mbare vendin deri me tani behet fjale per mbi 700 persona te prekur militenca (bruceloza). Sipas mjekeve situata behet edhe me shqetesuese, per faktin se mes te prekurve, rreth 15% te tyre e perbejne banoret qe nuk kane kontakt direkt me fshatin, por vetem me nenproduktet qe i blejne ne treg sic jane djathi apo qumeshti. Qe do te thote se jane pikerisht keto nenprodukte burimi i infeksionit. Shifrat tregojne se gjeografia e semundjes po zgjerohet cdo dite e me shume. Ajo transmetohet nga kafshet e infektuara te njerezit dhe zhdukja e saj kerkon shpenzime te medha, edhe per shkak te pasojave qe mund te lere te personi i prekur, pasi mund te demtoje rende shtyllen kurrizore dhe kockat duke shkaktuar edhe invaliditet te perhershem.