Bulqizë, plagoset rëndë një minator, e goditi vagoni

Policia mbërriti në vendin e ngjarjes, duke nisur hetimet. Mësohet se minatori i lënduar është Gëzim Llani, 40-vjeç, i cili është dërguar me helikopter me urgjencë në drejtim të Spitalit Ushtarak në Tiranë.

Gjendja shëndetësore e minatorit është në rrezik për jetën, ndërkohë që po i nënshtrohet trajtimit të mjekëve në këtë spital. Mungesa e kushteve të sigurisë në minierat e kromit kanë shkaktuar shpesh të vdekur dhe të plagosur në rajonin e Bulqizës.