Bumci: Mustafaj, u nxitua qe iku

Kryetari i ri i deges se Partise Demokratike ne Tirane, Aldo Bumci e cilesoi diten e djeshme si te nxituar vendimin e deputetit te PD-se, Besnik Mustafaj per t'u larguar nga gara brenda PD-se, duke dale edhe nga politika. Ne nje prononcim per mediat, kryetari i ri i deges se PD-se Tirane, Aldo Bumci deklaroi se Mustafaj kishte hapesirat e nevojshme per te qene pjese e gares, per kreun e deges se PD-se ne Tirane. Por ne lidhje me kete terheqje, Bumci nuk nguroi te shprehte edhe keqardhjen e tij, pasi vleresonte kontributin qe Besnik Mustafaj kishte dhene ne PD dhe ne degen e saj ne Tirane. "Terheqjen nga politika e zotit Mustafaj, e shoh me keqardhje pasi ai eshte nje figure e respektuar ne PD dhe ka shume per t'i dhene asaj", deklaroi kryetari i sapozgjedhur i deges se Partise Demokratike ne Tirane. Ne lidhje me zgjedhjen e tij, si numri nje i demokrateve te Tiranes, Aldo Bumci deklaroi se fillimisht kjo dege do te angazhohej per fushaten zgjedhore qe eshte ne prag. Si plane afatgjata te krijohet nje hapesire publike per debat ne degen e Tiranes, i cili te perfshije cdo seksion te saj, per t'i riperteritur politikisht strukturat tona. "Dega e PD-se se Tiranes, duhet te jete e hapur per te gjitha grupet e interesit. Ajo sidomos, duhet te lidhet me boten universitare, duke luftuar per nxitjen e liberalizmit politik, duke i ftuar te rinjte te behen pjese e vizionit politik", deklaroi Aldo Bumci. Tre dite me pare deputeti i Partise Demokratike, njekohesisht ish-ministri i Jashtem, Besnik Mustafaj u terhoq nga politika duke theksuar faktin se kjo terheqje kishte ardhur si rezultat i cenimit te statutit te PD-se per garen e Tiranes. Mustafaj ishte edhe kandidati i pare qe u shpall per garen e PD-se se kryeqytetit. Por ne komunikimin e terheqjes se tij, Mustafaj theksoi se ne kete gare u shkel statuti i Partise Demokratike dhe per kete arsye ai nuk shikonte asnje motiv per qene pjese e saj. Mustafaj theksoi se per rrjedhoje te kesaj gare po jepte edhe doreheqjen nga PD dhe politika. Pergatitjet per zgjedhjet ne degen me te madhe te vendit, kishin muaj qe kishin filluar. Zgjedhjet fillimisht u kryen ne seksionet dhe grup seksionet e rrethit, per te mberritur deri ne zgjedhjen e kryetarit te deges.

"Per kreun e PD te kryeqytetit garuan tre kandidate potenciale"

Kryesia e vogel e Partise Demokratike, vendosi tre dite me pare qe ne garen per kryetarin e PD-se se Tiranes, te hynin kandidaturat e deputeteve Aldo Bumci dhe Lajla Pernaska, po keshtu edhe drejtori aktual i KESH, Gjergji Bojaxhi. Ishin rreth 870 delegate te seksioneve dhe grup seksioneve te kryeqytetit, te cilet zgjodhen me me shume se 500 vota, kandidaturen e Bumcit si kreu i PD-se se Tiranes. Me pas ne renditje ishin Gjergji Bojaxhi dhe Lajla Pernaska. Kryesia e PD-se eliminoi nga gara edhe kandidaturen e Edi Palokes. Nderkohe qe fitorja e Bumcit ka qene e thelle ne votimin e dy neteve me pare.