Bumci, sulm PS-se se po pengon hetimin

Partia Demokratike denon perdorimin politik te aksidentit tragjik te Gerdecit nga opozita. Ne emer te grupit parlamentar demokrat, zedhenesi i grupit, Aldo Bumci tha dje se aksidenti po perdoret vetem per qellime cinike dhe c'njerezore nga selia roze. "Ne kemi kerkuar nxjerrjen e pergjegjesive ligjore per kete tragjedi. Grupi i PD-se ka denoncuar dhe denoncon perdorimin e dosjes se Gerdecit per qellime cinike dhe cnjerezore, per te fshehur pergjegjesit e vertete te ketij aksidenti tragjik dhe per te deshtuar hetimet duke formuluar akuza per anashkalimin e ushtrise dhe korrupsionin, nderkohe qe ekzistonin 32 dokumente dhe 3-7 firma qe vertetonin te kunderten", tha Bumci. Sipas tij, nje pervjetor i tille, po perdoret ne menyren me te shemtuar nga Partia Socialiste, ne vend qe te punohet per zbardhjen e aksidentit dhe nxjerrjen e pergjegjesve te tij. Me manovrat qe po perdor e majta, sipas Bumcit, po synohet vetem zvarritja e hetimeve dhe nxjerrjes para ligjit te pergjegjesve reale te ketij aksidenti. Nje vit pas kesaj tragjedie, ku si pasoje e shperthimit te fabrikes se demontimit te armeve ne Gerdec humben jeten 26 persona, ende nuk ka fajtore e pergjegjes.