Burg pa afat per sy akullin u arratis nga burgu i sigurise se larte

Gjykata e Vlorës dha masën e sigurisë “burg pa afat” për Ali Islamaj, 29 vjeç i njohur me nofkën “sy akulli”. Ai kërkohej nga drejtësia italiane, por u arrestua në Vlorë. 

29-vjeçari ka lindur në fshatin Drashovicë të Rrethit Vlorë dhe kishte ndryshuar identitetin e tij për mos u njohur (nga Ali Sinan Islamaj në Altin Hoxha), ndërkohë që mëngjesin e 29 marsit ai është arrestuar në një fshat të vogël të Vlorës. Skuadra speciale e Romës në bashkëpunim me Zyrën e Interpol Tirana bënë të mundur realizimin e operacionit të koduar “I Shimëkërkuari” si rezultat u bë e mundur kapja dhe arrestimi i shtetasit shqiptar të shpallur në kërkim ndërkombëtar, pas arratisjes më 14 janar të vitit 2011 nga burgu i sigurisë së lartë “Regina Coeli” në Itali.

Në ngarkim të 29-vjeçarit, Gjykata e Penale e Romës kishte lëshuar një urdhër arresti ndërkombëtar pasi dyshohet se në bashkëpunim me 8 persona të tjerë shqiptarë të arrestuar nga policia italiane ka kryer më shumë se 50 “grabitje me dhunë” të vilave luksose në qytet të ndryshme të Italisë.