Burgaj: Vlerësim real për punën e çdo polici

Tiranë, 23 prill, NOA Standardet e arritura deri më sot në strukturat e policisë janë pjesë e një organizimi që nuk duhet të ndalojë. Drejtori i Përgjithshëm i Policisë së Shtetit, Hysni Burgaj, në takimin e zhvilluar sot me temë Menaxhimi i bazuar në performancë, ka vlerësuar se puna e çdo efektivi të policisë duhet vlerësohet në bazë të të dhënave konkrete.

Kemi bërë përmirësime të rëndësishme në vlerësimin e punës së personelit të Policisë së Shtetit. Nga një vlerësim formal e tepër të përgjithshëm, tashmë ne realizojmë një vlerësim real të punës dhe aftësive të çdo punonjësi mbështetur mbi parametra konkret dhe të gjithanshëm, i cili na jep një gjendje të matshme të performancës së gjithsecilit, tha Burgaj.

Takimi mbi menaxhimin e forcave u policisë u zhvillua në ambientet e Drejtorisë së Përgjithshme të Policisë së Shtetit u zhvillua dhe organizua nga Qendra për Çështjet Evropiane dhe të Sigurisë (IDN), Misioni PAMECA e programi ICITAP.

Burgaj vlerësoi si arritje; administrimit të burimeve njerëzore dhe gjithë lëvizjeve të tjera në polici, aplikimin e konkurrimeve dhe sistemin e gradimeve si dhe përfundimi dhe aplikimi për herë të parë të procedurave standarde të punës në Policinë e Shtetit.

m.xh/NOA