Burgu i Shenkollit, panik pas zjarrit

Nje defekt teknik ne sistemin energjetik te burgut te sigurise se larte ne Shenkoll te Lezhes ka bere qe i gjithe personeli te perfshihet nga alarmi. Rreth ores 19:30 te nje nate me pare, nje qark i shkurter, por mjaft i fuqishem, ka bere qe i gjithe rrjeti elektrik kryesor, qe furnizon godinen nr. 1 te ketij burgu, te digjet i teri. Tymi dhe zhurma ka vene ne alarm te gjithe personelin, ndersa jane marre masa te shpejta per shpetimin e 170 te burgosurve ne godinen nr. 1 qe i perket te paraburgosurve. Madje nga burime te brendshme behet e ditur se mes te burgosurve eshte shfaqur frike dhe tension i madh, pasi per disa minuta e gjithe godina eshte perfshire nga tymi dhe era e rende e djegies se kabullit. Per kete jane hapur dyert dhe dritaret e godines, duke e besuar sigurine e te burgosurve vetem te kangjellat e dritareve. Nje situate e tille ka mbizoteruar rreth nje ore, derisa eshte bere e mundur qe te shperndahet era e rende dhe te normalizohet frymemarrja. Pas kesaj, specialistet e elektrikut kane konstatuar se shkaku i zjarrit ka qene djegia e paneleve elektrike, te cilet kane shkaktuar edhe marrjen flake te kabullit kryesor. Pas kesaj, drejtuesit e burgut jane detyruar te marrin masa te tjera per te bere te mundur ndricimin e burgut, duke sjelle gjeneratore. Nga burime prane Burgut te Shenkollit konfirmohet se ka disa dite qe paneli ka dhene shenja flake, por sektori i sigurise, megjithese e ka konstatuar kete, nuk ka marre masa per parandalimin e zjarrit, i cili mund te shkaktonte nje katastrofe deri edhe ne largim te paraburgosurve.
Aleksander Ndoja

"Ne burgun e Shenkollit situata eshte e rende, pasi burgu eshte ne kushte te pa papershtatshme", bejne te ditur burime nga ky institucion. Ne shume qeli mungojne xhamat e dritareve, ndersa sherbimi mjekesor eshte jashte standardit nga mungesa e ilaceve dhe e aksesoreve te tjere. Megjithese thuhet se personeli mjekesor eshte i plote dhe i kualifikuar, ne kete burg mungojne pajisjet me elementare, duke filluar nga sterilizatori. Burime nga burgu i Shenkollit konfirmojne se mjeket shpeshhere jane te detyruar qe te bejne injeksione pa kryer procesin e domosdoshem te sterilizimit te pajisjeve perkatese.

SSSASS