Burrel, plagoset me armë biznesmeni i ndërtimit
Një person është plagosur me armë zjarri mbrëmjen e djeshme në qytetin e Burrelit.
Ngjarja e rëndë ka ndodhur në qendër të qytetit ku një person i maskuar ka qëlluar me armë një biznesmen ndërtimi identiteti i të cilit nuk bëhet i ditur.
Sipas dëshmitarëve, autori ka qëlluar me 5 plumba biznesmenin dhe më pas është larguar me shpejtësi nga vendngjarja.
Menjëherë i plagosuri është dërguar me urgjencë në spital dhe sipas mjekëve ku po merr edhe ndihmën mjekësore.
Nuk dihen ende shkaqet e plagosjes së biznesmenit ndërkohë që policia po vijon hetimet për identifikimin dhe kapjen e autorit të ngjarjes.