Burri xheloz dhunon gruan shtatzënë e tenton ta djegë me fëmijën 15 muajsh

Durrës- Një krim brenda familjes është parandaluar mesditën e sotme në qytetin bregdetar të Durrësit. 37-vjeçari, Asllan Hoxha ka dhunuar bashkëshorten e tij Enkelejda Hoxha 34 vjeçe brenda në banesën e tyre.

Ngjarja ka ndodhur në lagjen numër 9 të Durrësit, ku Hoxha pasi ka dhunuar me mjete të forta gruan ka spërkatur me benzinë banesën në katin e katërt të një pallati.

Sipas policisë ka qenë gruaja që i ka njofuar përmes telefonimit në numrim 129 dhe gjithçka është zhvilluar në sy të fëmijës 15 muajsh të çiftit. Gruaja e kishte denoncuar edhe herë të tjera në polici dhunën e bashkëshortit ndaj saj.

Mësohet se policia ka arrestuar në flagrancë 37-vjeçarin, i cili po tentote ti vinte zjarrin banesës bashkë me to brenda. Policia thotë se nga hetimet paraprake dyshohet se ngjarja të ketë ndodhur për motive xhelozie. Hetimet vijojnë.