Buxheti, java nis me debate ne Kuvend

Komisionet e Perhershme te Kuvendit do te shqyrtojne gjate kesaj jave projekt buxhetin e shtetit te vitit 2009 si dhe disa projektligje te rendesishme ekonomike. Zyra e Shtypit prane Kuvendit ben te ditur se ne rendin e dites se sotme te Komisionit per Veprimtarine Prodhuese, Tregtine dhe Mjedisin do te jete projektligji "Per buxhetin e shtetit te vitit 2009". Ndersa ne Komisionin per Ekonomine dhe Financat ka nisur shqyrtimi ne parim i projektbuxhetit 2009, diskutime te cilat parashikohet te vazhdojne edhe ne mbledhjet e ardhshme te ketij komisioni, deri me date 17 nentor. Projekt buxheti per vitin 2009, do te diskutohet nen per nen edhe ne komisionet e tjera te Kuvendit deri me daten 27 nentor. Nderkohe qe projektbuxheti i vitit 2009, per dikastere te vecanta do te shqyrtohet pas prezantimit dhe nga ministrat perkates si ai i Financave, i Bujqesise, Ushqimit dhe Mbrojtjes se Konsumatorit dhe i Puneve Publike, Transportit dhe Telekomunikacionit. Shqiperia eshte nje prej pak vendeve te cilat kane pasur nje rritje ekonomike te larte e te qendrueshme prej rreth 6 per qind per me teper se, 5 vjet, eshte duke kaluar nje moment pozitiv ekonomik. Bazuar ne buxhetin suplementar per vitin 2008, jane bere edhe parashikimet 2009, vit ne te cilin eshte parashikuar nje rritje me ritme te qendrueshme te te ardhurave ne perqindje ndaj PPB, duke e mbajtur me 28.22 per qind ndaj PPB ne vitin 2009, si me buxhetin suplementar 2008. Treguesit makroekonomike per vitin 2009 si, rritja ekonomike parashikohet te jete, 6.3 per qind dhe norma e inflacionit 3 per qind. Efektet e politikes se re te taksave te ndermarra gjate 2008pritet te kene nje efekt pozitiv vitin 2009.