CEZ nderpret energjine per ujesjellesit

CEZ shpërndarje ndërpret energjinë elektrike për ujësjellësit e Durrësit, Elbasanit, Sarandës e Laçit dhe është duke kryer stakime graduale edhe për zona të tjera. Sipas informacioneve paraprake, nga stakimet e nënstacionit të Fushë Kuqes, janë pa energji Kruja, Fushëkruja dhe qyteti i Durrësit. Po ashtu, është plotësisht pa furnzimin me ujë, për shkak të ndërprerjes së energjisë, qyteti I Elbasanit. Dejtori i Ujësjellësit të Elbasanit, Adriatik Zhidro ka deklaruar se vendimi është i padrejtë. Sipas tij, energjia nuk është paguar, pasi faturat e marra nga CEZ janë abuzive.  Po ashtu, edhe prefekti I Durrësi, Genci Alizoti është shprehur se,  pagesa për borxhi është negociuar dhe sit ë tilla ndërprerjet janë të padrejta. 

Gjithashtu, Enti Rregullator i Energjisë ka deklaruar përr mediat se në kushte të tilla ujësjellësit duhet të paguajnë borxhet që kanë ndaj CEZ, për t’iu rilidhur sërish energjinë. Përfaqësuesit e kompanisë CEZ njoftuan që më parë se këto ndërprerje do të bëhën ditën e sotme, pasi ujësjellësit kanë një borxh prej 5.4 miliardë lekësh, ose 38 milion euro. Sipas CEZ-it, ujësjellësit janë njoftuar herë pas here për borxhet e tyre dhe afatet për pagesën e borxhit janë shtyrë disa here por pa u shlyer. Kompania ceke njoftoi qytetarët, që  të përgatitet për ditët ne vazhdim, duke u siguruar që të mbushin të gjitha rezervat e mundshme që kanë në dispozicion si dhe të interesohen pranë kompanive të tyre të ujësjellësit, nëse ata ofrojnë alternativa për furnizimin me ujë të konsumatorëve të tyre.