Cameron e Zardari pajtohen për përmirësimin e marrëdhënieve

Londër, 6 gusht - Presidenti pakistanez Asif Ali Zardari, u takua sot me kryeministrin britanik David Cameron në Londër, për të riparuar marrëdhëniet e tendosura diplomatike.

Pas takimit, dy liderët e theksuan rëndësinë e lidhjeve të mira mes dy vendeve.

“Ajo që biseduam kishte të bëjë me partneritetin tonë strategjik, dhe mënyrave për thellimin e tij, qoftë në tregti, arsim apo në fushën e luftimit të terrorizmit, e cila është e një rëndësie jetike”, tha Cameron.

Marrëdhëniet dypalëshe u ftohën javën e kaluar pasi Cameron tha se disa elementë në Pakistan po lejonin eksportin e terrorizmit islamik.