Cazorla premton më shumë

Santi Cazorla beson se Arsenali ende nuk e ka parë formën e tij më të mirë pavarësisht paraqitjeve mbresëlënëse pas transferimit nga Malaga gjatë verës për 15 milionë funte.

Menaxheri i ekipit, Arsene Wenger ka lavdëruar 27 vjeçarin për fillimin e karrierës së tij në Emirates. Cazorla është i lumtur me adaptimin e shpejt por shpreson të përmirësohet edhe më tepër.

“Jam adaptuar mirë dhe pozita ime në ekipin e Arsenalit më jep liri. Ndoshta pas disa muajve do të flitet edhe më tepër për mua. Shpresoj të vazhdoj të zhvillohem dhe përmirësohem”, deklaroi Cazorla për mediet angleze.