Çezare Prandeli: Të huajt po prishin futbollin tonë

Çezare Prandeli lëshon alarmin. Një vit përpara zhvillimit të Kampionatit Botëror, trajneri i kombëtares italiane u bie kambanave, duke deklaruar se në serinë A ka shumë futbollistë të huaj. “Është një e dhënë që kërkon reflektim jo vetëm nga media, por edhe në nivel programacioni. Nëse do të isha president i një klubi, do të punoja me të rinjtë, për t’i çuar në skuadër të parë dhe aty do të kompletoja programin, duke i bashkuar me të huaj të një niveli më të lartë”, - deklaroi numri një i pankinës italiane.
(a.k/E.Ilnica/balkanweb)