Celulari trete, marreveshje e re per internetin

Kompania e trete e sherbimeve celulare “Eagle Mobile” ne Shqiperi, e cila pritet te aktivizoje sherbimet me 13 mars te ketij viti ka selektuar sherbimet e internetit me standardet, Amdocs Compact Convergence suite. Me kete teknologji ofrohet inovacioni i fundit ne sherbime ka deklaruar nje dite me pare, drejtori i Pergjithshem i “Eagle Mobile”, Ali Tashken ne konferencen nderkombetare te kompanive celulare. Kjo do te thote qe telefonat celulare te “Eagle Mobile” te lidhen me internetin e shpejtesise se larte, dhe do te mundesojne video-klipet e preferuara, do te mund te shkarkohen filma, te behet `chat` apo te mund te gjejne lehtesisht te dhenat qe ju nevojiten qe nga dite-nisja e aktivitetit, tha Tashken. “Me Amdoc ne kompletojme sherbime bashkekohore qe do t’u ofrohen klienteve ne ditet ne vijim me cmime konkurruese ne treg”, tha Tashken.
“The Amdocs Compact Convergence suite eshte duke ndihmuar ‘Eagle Mobile’ te perfitoje nga teknologjia me e fundit e sherbimeve”, tha Charles Born, zevendespresident per Korporaten e Komunikimit ne Amdocs. Ai tha se sherbimet do te jene krejtesisht te reja ne tregun e telefonise celulare ne Shqiperi, ndaj dhe “Eagle Mobile” ka nevoje per to ne menyre qe te konkurroje ne kete treg. Kompania e trete celulare, “Eagle Mobile” do te leshoje sinjalin e pare me 13 mars dhe fillimisht sherbimet do te ofrohen ne rajonin Tirane-Durres, duke perfshire edhe Aeroportin “Nene Tereza”. Ndersa gjate periudhes se veres te po ketij viti pritet qe sinjali te ofrohet ne te gjithe vendin. Me shume se sa tarifa me te lira se aktualet, “Eagle Mobile” do te joshe klientet e saj me variacione ne sherbime. “Teknologjia e larte qe do te perdorim per ‘Eagle Mobile’, nuk eshte perdorur ende ne shume vende te Evropes te cilesuara si te zhvilluara”, eshte shprehur drejtori i kompanise, Ali Tashken.