Certifikimi i poliklinikave, me yje si hotelet

Sonila Isaku
Nje projekt i Ministrise se Shendetesise, qe do te zbatohet vitin e ardhshem, ka per synim vleresimin e poliklinikave per cilesine e sherbimeve. Ne drejtorine e paresorit do te zbatohet sistemi i monitorim-vleresimit, qe i paraprin situates se certifikimit te ketyre sherbimeve. Kjo do te thote se cdo institucion shendetesor paresor do te monitorohet, per te pare cilesine e sherbimeve qe ai ofron. Me pas, do te jete vleresimi se cili nga sherbimet ofrohet brenda parametrave te percaktuara dhe cili jo. Ne rastin kur keto sherbime do te permbushen plotesisht, atehere do te kete edhe certifikim te poliklinikes dhe institucionit shendetesor, i cili pret i pari pacientet. Kjo procedure eshte e njejte, ashtu si edhe me hotelet per sa u perket numrit te yjeve. Edhe poliklinikat do te jene te tilla dhe ne baze te certifikates qe do te marrin do te tregojne cilesine e sherbimit. “Projekti i 2008 eshte sistemi i monitorimit dhe vleresimit qe i paraprin situates se certifikimit te ketyre sherbimeve. Pra, nxjerrim ne dukje problemet qe ka, vleresojme ato te mira dhe me pas do te vije procesi i certifikimit”, eshte shprehur drejtori i Politikave dhe Projekteve ne Ministrine e Shendetesise, Edmond Stojku. Sipas tij, do te percaktohen se cilat sherbime ofrohen ne nje poliklinike.
Pas certifikimit dhe kur ky te jete ne parametrat e duhur, ato maksimale, do te percaktohen edhe cmimet e sherbimeve. Nderkohe qe, lista e cmimeve do te jete ne raport te drejte me sherbimin dhe pagesat. “Nese ne sot i kemi lene ne nje sistem te ndermjetem dhe autonom kete sherbim, ne te ardhmen mund te kaloje ne dore te privatit, me rimbursim nga shteti”, ka pohuar Stojku. Sipas tij, i gjithe vleresimi do te behet me raporte periodike, ku do te gjenden indikatoret, te cilet do te vijne nga sistemi i informacionit. Per kete arsye do te ngrihen grupet e punes, te cilet do te shperndahen ne te gjithe territorin, por jo ne te njejten kohe. “Keto grupe pune, nga sistemi i informacionit qe sjellin per cdo problematike, nxjerrin edhe indikatoret per te vendosur. Per shembull, kerkohen kriteret sipas pikave, duke pasur parasysh kushtet si ne zona malore, te thella dhe mundesine e pajisjes me mjete spitalore”, nenvizon drejtori i politikave ne Ministrine e Shendetesise. Pra, kriteret e vleresimit do te jene baza e certifikimit te ketyre poliklinikave.
Sot vleresohen spitalt
Nje vit me pare projekti i vleresimit te institucioneve shendetesore ka nisur me spitalet dhe maternitetet. Keshtu prej nje periudhe te gjate kohore grupet e punes, te ngritura ne Qendren Kombetare te Vleresimit dhe te Akreditimit, jane duke vleresuar se cilet jane spitalet me te mire. Sipas studimeve te deritanishme ka dale se spitali i Durresit ka dale nga me te vleresuarit nga grupet e punes. Ndersa per sa u perket pacienteve, ata kane percaktuar spitalin e qytetit te Tepelenes si me te dobetin per sa i perket sherbimit mjekesor dhe atij infermieror. Aktualisht te gjitha spitalet e vendit jane duke u kontrolluar dhe vleresuar dhe deri me tani vetem nje prej tyre ka fituar te drejten e certifikimit te pjesshem. Per sa i perket certifikimit, ai i plote eshte 3 vjet, kurse ai i pjesshem eshte vetem nje vit. Pas vleresimit te pare, qe eshte bere gjate ketyre diteve, do te jete edhe nje vleresim i dyte nga specialistet dhe me pas eshte faza e certifikimit.