Çështjet që do të trajtohen nesër në seancë plenare

Ditën e nesërme do të mbahet seanca e radhës plenare në Parlamentin e Shqipërisë, ku pritet të trajtohen një sërë çështjesh.

Nesër, sipas rendit të ditës, Kuvendi do të zgjedhë 5 anëtarë të Këshillit Mbikqyrës së Bankës së Shqipërisë.

Nga 5 anëtarët, 3 emra vijnë si përzgjedhje e PS-së, ndërsa 2 emra të tjerë si përzgjedhje e kryeministrit Edi Rama në bazë të aplikimeve që kanë shkuar në qeveri.

3 emrat që vijnë si përzgjedhje e PS mes kandidatëve që i paraqitën në Kuvend, janë:

1.  ish-deputeti demokrat, Selami Xhepa

2.  ish-kreun e Gjykatës Kushtetuese, Holta Zaçaj

3.  Matilda Shehu

Dy kandidatët e propozuar nga kryeministri Edi Rama janë:

1.   ish-ministri Ervin Mete

2.  Jonida Prifti

Mësohet se, seanca do të nisë me një interpelancë të Agron Shehajt me ministren e Ekonomisë dhe Inovacionit, Delina Ibrahimaj dhe do të vijojë me disa ligje të mbartura nga seanca e shkuar, si ligji për Shërbimin e Jashtëm dhe disa iniciativa të opozitës.

Pritet të diskutohen edhe 6 projektligje të paraqitura nga opozita, të cilat me shumë mundësi pritet të rrëzohen, ndërsa në fund do të miratohet edhe ligji i ndryshuar për funksionimin e AKSHI-t.