Champions, Inter "peshkon" Celsin
Kur drejtuesi i shortit lexoi emrin e skuadres qe do te perballej me Interin e Milanos ne 1/8 e Champions League, pothuajse e gjithe salla ne Nion te Zvicres, shpertheu ne te qeshura. Sigurisht nuk behej fjale per nje gabim teknik apo skec humoristik, po per emrin e skuadres londineze te Celsit. Shume histori i lidhin keto dy klube ne sezonin 2009-2010 te Kupes. Tekniku i Interit, portugezi Hoze Murinjo, do te rikthehet pas shume kohesh ne Stamford Bridge dhe kete here per lufte "jete a vdekje", sepse do te kete perballe ish-skuadren e tij me pronar mandatin rus, Roman Abramovich. Celsi drejtohet nga ish-tekniku i Milanit, Carlo Anceloti, i cili duke u lutur te mos perballej me ish-skuadren e tij, do te kete perballe nje tjeter ekip italian dhe per ironi te fatit nen drejtimin e nje ish-trajneri te skuadres qe tashme ai e njeh si teknik. Lojtaret e Celsit do perballen me ish-trajnerin e tyre dhe kjo sfide shihet jo vetem si finale e parakohshme, por edhe si drame e vertete.
Dhe kjo dite "magjike" e shortit ka dhuruar nje tjeter surprize per perballjet tashme rituale italo-angleze. Mancester United, finalistja e vjetshme, do te kete perballe Milanin qe ka rimarre veten muajt e fundit. Sfida per Sir Alex Ferguson eshte me shume se e veshtire, kurse i riu Leonardo do te tentoje te thyeje "syrin e keq" te sezoneve te fundit. Italianet hoqen qafe anglezet ne sezonin 2006-2007, kur te udhehequr nga Anceloti-Kaka fituan edhe Championsin ndaj Liverpulit, nje vit pas finales shokuese 2005-2006, duke i kthyer kusurin anglezeve. Kjo perplasje ka dhe nje te vecante tjeter, pasi sulmuesi anglez, David Beckam, i blere tashme nga Milan, do te perplaset me ish-skuadren dhe trajnerin e tij, Mancesterin dhe Fergusonin, me te cilin nuk u nda mire.
Per kampionet ne fuqi, Barcelonen, shorti rezervoi nje sfide pak a shume te lehte dhe djemte e Pep Guardioles te udhehequr nga fituesi i "Topit te Arte", Lionel Messi, do ta kene si nje "shetitje" perballjen me gjermanet qe gjenden ne krize. Por kjo perballje shihet edhe si nje mundesi per spanjollet per te shenjestruar serish kupen e lakmuar.
Kampionia e Greqise, Olimpiakos, u perball me ate te Frances, Bordone, ku te dyja skuadrat kane shanse te barabarta per te kaluar ne 8 me te mirat. Per me teper qe ne pankine kane dy kampione bote, Zico per greket dhe Blanc per francezet. Bajerni do te sfidoje Fiorentinen e Prandelit, qe ka qene dhe nje surprize per kete sezon, ku favorite shihen gjermanet e Van Gal. Kurse CSKA e Moskes ka pune me Seviljen e Spanjes, qe rivalizon edhe ne premiera Division dhe shihen si favorite. Lion-Real Madrid eshte nje sfide e vecante sidomos per sulmuesin Karim Benzema, qe do perballet me ish-skuadren e tij. Spanjollet kane shpetuar nga perplasjet e "vdekjes", nderkohe qe per Arsenalin e Arsen Venger, shorti rezervoi portugezet e veshtire te Portos.