S'ka me kufij per fqinjet maqedonas
Liberalizimi i vizave u mundeson qytetareve te Malit te Zi, ish-Republikes Jugosllave te Maqedonise dhe Serbise udhetimin ne 25 vende anetare te BE, me perjashtim te Britanise se Madhe, Irlandes dhe tri shteteve tjera evropiane: Norvegjise, Zvicres dhe Islandes
Qe nga minuta e pare e se shtunes qytetaret e Serbise, Malit te Zi dhe ish-Republikes Jugosllave te Maqedonise (FYROM) do te udhetojne pa viza ne shumicen e vendeve te Bashkimit Evropian.
Banoret e ketyre tri shteteve ballkanike brenda shteteve te zones Schengen mund te qendrojne deri ne 90 dite pa nderprerje, nje here ne gjashte muaj. Zona e Schengenit ka 500 milione banore dhe nje territor prej 4.3 milione kilometrash katrore.
Qe nga data 19 dhjetor, ajo behet me e afert per banoret e ketyre tre shteteve. Megjithese, udhetimi pa viza nuk parasheh edhe te drejten e punes se banoreve te Malit te Zi, Maqedonise dhe Serbise ne vendet perendimore.
Lirimi nga obligimi i pajisjes me viza para udhetimit ne zonen Schengen u sigurua permes vendimit te Keshillit te Ministrave te Jashtem dhe te Drejtesise te BE, ne fund te nentorit. Nderkohe, duhet qartesuar se pa viza do te mund te udhetojne vetem personat qe posedojne pasaporta biometrike. Per qytetaret me pasaporta te vjetra do te vazhdojne te aplikohen kushtet per lehtesimin e regjimit te vizave.
Liberalizimi i vizave u mundeson qytetareve te Malit te Zi, ish-Republikes Jugosllave te Maqedonise dhe Serbise udhetimin ne 25 vende anetare te BE, me perjashtim te Britanise se Madhe, Irlandes dhe tri shteteve tjera evropiane: Norvegjise, Zvicres dhe Islandes. Per hyrje ne keto shtete do te vleje procedura standarde si per udhetaret qe atje vijne nga shtetet e treta, qe nenkupton se oficeri kufitar kerkon arsyen e udhetimit, vendqendrimin dhe mbulimin e shpenzimeve te udhetimit dhe qendrimit. Per ata qe nuk kane mundesi te financojne vete qendrimin, do te vazhdoje te kerkohet leter-garancia e leshuar nga shtetasi apo kompania ku do te qendrojne. Natyrisht, sigurimi shendetesor eshte i detyrueshem per te gjithe "mysafiret".
Ne shenje festimi te kesaj ngjarjeje, Mali i Zi dhe FYROM tashme kane paralajmeruar udhetime falas per disa prej shtetasve te tyre. Mali i Zi ka paralajmeruar nje fluturim falas per nxenesit, studentet dhe bujqit me te mire per Rome, ndersa Qeveria e ish-Republikes Jugosllave te Maqedonise organizon udhetim njeditor falas ne Paris, per 100 qytetare te perzgjedhur rastesisht. Ata njekohesisht do te jene shtetasit e pare qe do te perfitojne nga udhetimi pa viza.
Me propozimin e Sllovenise BE pezulloi vizat per qytetaret e ish-Republikes Jugosllave te Maqedonise, Serbise dhe Malit te Zi, pasi ekspertet evropiane konfirmuan se tri shtete ballkanike kane plotesuar kushtet e parapara me udherrefyesin per liberalizimin e vizave.