Chavez u nis për në Kubë
Presidenti i Venezuelës, Hugo Chavez, ka udhëtuar për në Kubë, për t’iu nënshtruar edhe një operacioni kundër kancerit.
Asambleja Kombëtare e Venezuelës, ku Chavez ka shumicën, i ka dhënë atij “kohë të pacaktuar” për të qëndruar në Kubë.
Vitin e kaluar, lideri majtist ka deklaruar se është shëruar pas dy operacioneve të kryera në Kubë.
Nevoja për një tjetër intervenim vë në dyshim fushatën e tij për rizgjedhje më 7 tetor.
Ajo po ashtu vë në pikëpyetje mundësinë e Chavezit për të sunduar Venezuelën edhe për një mandat gjashtë-vjeçar, nëse fiton zgjedhjet.